Fredag kveld blei eit av Danish Air Transport sine fly råka av eit kraftig lynnedslag på veg til Florø.

Det var det siste kveldsflyet på veg frå Oslo til Florø som blei utsett for lynnedslaget. Lynet slo ned i nasen på flyet med stor kraft, og det passerte ut delvis gjennom halen og gjennom den eine vengen. Lynet var så kraftig at det oppstod små perforeringar i vengen der lynet forlet flyet. Sjølv om smellet truleg var dramatisk nok for passasjerane, avdramatiserer flygesjef Bjørn Simonsen hendinga.

– Fly vert dagleg råka av lynnedslag. Det kan verke dramatisk, men det er ganske så ufarleg, seier flygesjefen, som sjølv har ti år i aktiv teneste som pilot.

Flyet landa i Florø og blei deretter teke ut av trafikk. ATR-maskinen flaug deretter til København, der ein har eigne feilsøkingsprosedyrar og kontrollar for fly som har blitt utsett for lynnedslag. Eit anna fly blei umiddelbart floge opp til Florø som erstatning, og går no som reserve medan det andre flyet blir reparert og kontrollert. Flyet er truleg tilbake i trafikk i løpet av ei veke.

 

Se også vår tidligere artikkel om et annet lynnedslag. De ble i alle fall ikke flydd etterpå....

Kilde: www.firdaposten.no