Alvorlege feil på mange fly     
Publisert: 20.02.04

Over halvparten av dei utanlandske flya som har vore gjennom stikkprøvekontrollar i Sverige dei siste fire åra, har hatt alvorlege manglar.

Manglane har vore så alvorlege at det svenske luftfartsverket har teke kontakt med styresmaktene i heimlandet til flyselskapet.

Den svenske Luftfartsinspektionen har dei siste fire åra gjort 261 kontrollar utan førehandsvarsling av utanlandske fly, både passasjerfly og transportfly.

I ein femdel av dei undersøkte tilfella, har dei avdekte feila vore så alvorlege at flya ikkje fekk ta av med passasjerar før det var gjort utbetringar, melder Sveriges Radio.

Den vanlegaste feilen er at naudlysa ikkje fungerer i flykabinen. Andre døme på feil er at navigasjonssystema ikkje oppdaterer seg tidsnok.

Luftfartsverket har ikkje gitt noko selskap flyforbod, sjølv om same selskap har hatt dei alvorlege feila fleire gonger.




Kilde: www.nrk.no